Esta Asociación nace no ano 2008, coa finalidade de ser o núcleo de integración e representación dos diferentes axentes territoriais, institucionais, sociais e económicos, tanto públicos como privados, interesados en promover o desenvolvemento rural.
Ten como ámbito de actuación os concellos de Abegondo, Aranga, Arteixo, Bergondo, Betanzos, Cambre, Carral, Cesuras, Coirós, Culleredo, Miño, Irixoa, Oleiros, Oza dos Ríos, Paderne e Sada.
Os seus asociados, que actualmente son 125 entidades, están organizados en 13 mesas sectoriais, que funcionan como lugar de encontro e debate sobre os problemas e posibles solucións no territorio. Dentro das Mesas Sectoriais o GDR Mariñas - Betanzos conta cunha Mesa Sectorial de ASOCIACIÓNS E ENTIDADES XUVENÍS.
Máis información da Asociación no seguinte enlace: http://www.marinasbetanzos.com/
No hay comentarios:
Publicar un comentario